連戰佮宋楚瑜敢有聞著土地ｅ芳味_綠翠園歷史庫存

	§網綠翠園站§ 　歷史庫存_時事分區

連戰佮宋楚瑜敢有聞著土地ｅ芳味

發表：新復土	2004-03-14 23:19:39	閱覽數：1474	(IP:　)	T 243_R 0	引　用

連戰佮宋楚瑜過去攏講家己是【中國人】，這滿講家己
是【正港ｅ台灣人】抑是【新台灣人】，兩人要認同芳味
ｅ台灣土地無人會異議，不復連戰佮宋楚瑜是在台灣民主
、自由ｅ民意壓力下，３月１３日為著總統大選ｅ選票，
臨時變更【選舉議題】，不得不趴落來認同腳踏ｅ大地，
連戰佮宋楚瑜若有真心要認同【芳味ｅ台灣土地】，敢不
是國親聯盟愛在３２０進前提出停建【核四】案，相信民
進黨佮台聯是(勿會)反對ｅ。
　核四若無在３２０進前停建，證明連戰佮宋楚瑜趴落來
親聞腳踏ｅ土地敢會有芳味？是咧騙選票，連戰佮宋楚瑜
是真真正正無恥ｅ白賊七。

　南非ｅ【白人小姐】莎莉賽隆在外國得獎，伊嘛講家己
是【南非人】，南非ｅ曼得拉總統是伊ｅ偶像，無親像台
灣這土地上有真濟人喙喝【族群和諧】，明明不是【中華
人民共和國】ｅ人，嘛一直自稱家己是【中國人】。
　３１３國親聯盟「嗆聲」有三百萬人，無聽著國親聯盟
反對【中國武力威脅】ｅ聲音，嘛無聽著要予國家復較民
主、自由會當在地球村自由行踏，聽著是干乾要換總統爾
爾，復向總統府【吹熄燈號】，呣要給總統府關掉？！敢
是國親聯盟是咧向中國【交心】，要變成【中國ｅ一部分】。
　３２０台灣ｅ人民咁不是愛冷靜來選擇，台灣這所在ｅ
民主發展才(勿會)復停頓。
T 243