伾年冬厚痚人粩仔假聖人鴨母寮豬哥窟_綠翠園老工仔思維forum.xmart.tw/formosa/

	§網綠翠園站§ 　老工仔思維

伾年冬厚痚人粩仔假聖人鴨母寮豬哥窟

發表：老工仔	2015-12-31 07:50:28	閱覽數：1864	(IP:　)	T 4946_R 0	引　用

伾年冬厚痚人　粩仔假聖人　鴨母寮豬哥窟
　　馬ㄟ無知識个無理解，毋捌路也卜搶頭旗，做總統个兼黨主席，結果一頭擔雞雙頭啼，把國家拂嘎像草地鑼鼓，一冬一冬慘，癢的不搔，不癢的搔到流血流滴，頂擺伊講蕭ㄟ是鴨母寮老師傅，不過嘛是赤腳仙仔而而，凊鬼提藥方，藥未到命已休，種著歹田望後冬，那知選錯總統一世人，濫坔田准路，硬拗硬撟，這聲毋死煞袂埋得，儂怣就艱苦，父老子幼，神仙難救，三八沒藥醫，唉！怨嘆無用，加伊預辦喪是要緊。
　
　　選總統毋通酸中痛，種田要揀好田底，娶新婦要揀好娘嬭，比人才伾通比詼諧，霞ㄟ落下頦名嘴，戲棚上鑼鼓聲一轉，相像趕扑蜂咧，捉冬瓜強卜捋毛，竹竿兜菜刀，黑龍踅桌，一隻蝨母蹦到水牛大，講一ㄟ影生一ㄟ囝，佇到黑影就開鎗，何瑞奇醫科，看做阿端哥醬料、北港魚落看做此巷無路、王氏家廟，看做土民豬朝(稠)、福德正神，看做乾隆五年，唉！媽祖宮起毋著面，痟儂出袂盡，儂講矮人爬壁─欠推（梯），台灣爛糟─欠扑，就是講這種腳數。

　　霞種蛇傳霞種卵，自漏屎馬落來，豬仔倫有樣學樣，無樣家己想，狗母攀牆，狗囝學樣，　　　　
王碌仔嘴，糊累累，死蛇強講是活胡鰡，龍交龍，鳳交鳳，隱龜交棟憨，三八的交叮咚，本來是哼哈二人組，這陣變成拖命三兇妹，媱的袂嫷，嫷的袂媱，缺嘴食米粉－看現現，尻川有幾支毛，秉起來就知，何乜苦像北港香爐－眾人插，路邊尿桶－眾人漩，路邊木瓜－眾人挵，好好郎伾做，偏要做臭頭雞仔，手抔痰罐乎郎呸嘴涎。

　　俗語講：儂怣毋去替人死，明知山有虎，偏向虎山行，馬ㄟ掠交替，洪秀柱誤闖叢林，豬仔倫六月刈菜假有心，給客兄帶孝，枵鬼假細緻，想卜藉草船擋箭，躲過惡虎嶺，偷樑換柱，黃袍加身，但流箭所及，雖倖免於難，還是汗流涎滴。好得佳哉！有玄天神女受譴下凡，適時扛下千觔重擔，那知儂爻算毋達天ㄧ畫，是福是禍？是禍躲不過，金蟬雖得脫殼，掉一層皮也是應該，夜路走多了，總會遇到鬼。