例一休　阿水嬸頭殼㧇咧燒_綠翠園老工仔思維forum.xmart.tw/formosa/

	§網綠翠園站§ 　老工仔思維

例一休　阿水嬸頭殼㧇咧燒

發表：老工仔	2017-01-22 15:16:03	閱覽數：1607	(IP:　)	T 5524_R 0	引　用

一例一休　阿水嬸頭殼㧇咧燒
　　一例一休，嗶仔嗶嗶叫，阿水嬸頭殼㧇咧燒，透早賣豆乳、飯丸，中晝、下晡老尫換賣肉羹、米粉炒，拜六、禮拜毋歇睏，隔壁阿桂姐說：安呢袂適得，違反一例一休，會掠去罰錢。

　　阿水嬸著驚，趕緊去問菜市仔管理員，管理員講沒那麼嚴重啦！妳遮中國郎叫「個體戶」，規定沒遮嚴，恁姹孫拜六、禮拜攏毋是有來搭一下，乎恁老尫公婆佇厝歇睏，按都有準算毋要緊。

　　管理員佮講，市面上尫某、兄弟擔遐呢濟，拜六、禮拜，生意當好，那有可能歇睏，大菜市統一歇拜一，偆ㄟ一工照輪流就得適，阿水嬸這才放心剸笑容。

　　阿水嬸順紲講：阿英總統嘛足儼硬，卜處理的代誌遐呢濟，也卜討彼家口的黨產，年金也卜改革，勞工工時也要照顧，司法正義剉咧等，對面阿共仔一工到暗瘔瘔嗽，美國新總統川普猶佮咧掖手，好得佳哉！伊毋嫁尫，也毋老公仔佇邊搳燒搳冷，姹孫仔吵晝吵暗，那有時間、心情去料理國事，萬一乎阿共「啄去」，也毋得歸家去了了。