| §網 綠翠園 站§ Joy部落格 |
|---|
| 總 覽 | 版 務 | 政 經 | 健康醫療 | 軍 武 | 理 財 | 文 化 | 藝 文 | 科 技 | 台灣的美 | 旅 遊 | PISA | 娛 樂 | 鄉 土 | 公 民 | 認 同 | 副 刊 | 哈 啦 | 范氏網 |
| 竹縫 視界 | 耳聾 世界 | 泰伯 觀點 | Joy 隨筆 | 哈利 天地 | Jerry C 鳥 世 界 | 射水魚 天 空 | 討海人 鏡 頭 | 嘻笑 人間 | 詩情 畫藝 | 老工仔 思 維 | 網網 相連 | 歷史 庫存 |
| 主題：阿中愛唱歌 |
|---|
| 發表：Joy | 2022-09-26 08:19:52 | 閱覽數：933 | (IP: ) | T 7887_R 0 | 引 用 |
|---|
|
阿中細漢ê時陣真愛唱歌，伊定定ná行路ná唱歌，úi學校行到厝--nih，一條唱過一條，感覺足心適--ê. 有一工，阿中問鬥陣ê同學講：「你有感覺我唱tó(佗)一條歌khah(較)好聽無？」 「無--leh！你唱--ê，逐條歌聽起--來嘛攏仝款。」 Án-ne(按呢)，阿中才知影家己可能唱歌無外好聽ê款，伊tō誠罕得koh(閣)佇外口面咧唱歌--ah！ M̄-koh(毋過)，伊猶是足愛音樂--ê，所致伊大漢了後tō(就)來chhōa(娶)一个咧教音樂ê阿玲老師。 阿中總是趁咧洗身軀ê時咧唱歌，啥知影阿玲煞徛(khiā)佇浴間仔外口咧聽，等伊出來，阿玲就kā講：「拄才我有斟酌(chim-chiok)咧聽你唱歌，你攏走音去--ah！來，我彈鋼琴予你聽，你一个音一个音來練…。」 因為一練上無tō愛練一點鐘，便若予阿玲聽著伊咧唱歌，tō攏愛上音樂課，án-ne，阿中tō毋敢koh佇厝--nih唱歌--ah!阿中講：愛上班koh愛上課，傷忝(thiám)！ 後來，阿中做部長，伊佮防疫醫療團隊逐工無眠無日咧拼防疫，予(ho͘)咱逐家看著誠毋甘也誠感心。記者會上，有人問伊為啥物無tì(戴)喙罨咧唱歌？ 「彼是舊年零確診56工了後的代誌--lah！有廠商招我欲慶祝一下，我也歡喜甲興咧唱兩條歌，也有淡薄仔啉(lim)寡酒…彼當時並無三級警戒--lah！」 按呢，我才知影，愛唱歌的阿中koh開始佇外口面咧唱歌囉！ |
| 總 覽 | 版 務 | 政 經 | 健康醫療 | 軍 武 | 理 財 | 文 化 | 藝 文 | 科 技 | 台灣的美 | 旅 遊 | PISA | 娛 樂 | 鄉 土 | 公 民 | 認 同 | 副 刊 | 哈 啦 | 范氏網 |
| 竹縫 視界 | 耳聾 世界 | 泰伯 觀點 | Joy 隨筆 | 哈利 天地 | Jerry C 鳥 世 界 | 射水魚 天 空 | 討海人 鏡 頭 | 嘻笑 人間 | 詩情 畫藝 | 老工仔 思 維 | 網網 相連 | 歷史 庫存 |