顯微鏡　譀鏡　哈哈鏡_綠翠園時事分區forum.xmart.tw/formosa/

	§網綠翠園站§ 　　時事分區

顯微鏡　譀鏡　哈哈鏡

發表：老工仔	2016-01-02 07:40:23	閱覽數：1953	(IP: 　)	T 4950_R 0	引　用

顯微鏡　譀鏡　哈哈鏡
　　王如玄表示，國民黨的缺點就是什麼事都小小聲，被罵了就暗暗反省，做了事又不敢講，不像有人什麼都敢講。選舉日越近，譀古代越多，閱聽同胞小心撐破肚皮，笑死驗無傷，人三七講咱四六聽，聽有會心一笑，聽冇恁他去，猴穿衫嘛也是猴，牛牽到北京還是牛。

　　相扑恨毋力，相罵恨毋話，毋話就講家老，土猴嚇死雞，司公嚇死鬼，一樣米飼百樣人，官字兩隻嘴，伊咧練戇話拤虎卵，咱免加以掠話骨，扛轎歸扛轎，免管新娘卜放尿，
伊是冷灶咱免揘柴添火著，伊話卜濫糝講，咱飯伾使濫糝食，伊會使雞仔腸，咱伾使鳥仔肚，掠死人打到沒氣，畫虎畫皮難畫骨，知人知面不知心，有量才有福。

　　入山看山勢，入門看人意，徛著好地理較好捌拳頭，目睭花花，瓠仔毋通看做菜瓜，
軟土不可深掘，牛稠內抵死牛母，人情留一線，日後好相看，高調行事嘛愛低調做人。

　　輸人不輸陣，輸陣就歹看面，家己揹金斗甕，還替人看風水，一人一家代，公媽隨人栽，毋通好貓管過家，有功無賞扑破得賠，到時豆油借伊搵，連豆油碟仔也捧去，猴去某也無，博屎桮煞輸一抱竹，何乜苦？