| §網 綠翠園 站§ 鄉土分區 |
|---|
| 總 覽 | 版 務 | 政 經 | 健康醫療 | 軍 武 | 理 財 | 文 化 | 藝 文 | 科 技 | 台灣的美 | 旅 遊 | PISA | 娛 樂 | 鄉 土 | 公 民 | 認 同 | 副 刊 | 哈 啦 | 范氏網 |
| 竹縫 視界 | 耳聾 世界 | 泰伯 觀點 | Joy 隨筆 | 哈利 天地 | Jerry C 鳥 世 界 | 射水魚 天 空 | 討海人 鏡 頭 | 嘻笑 人間 | 詩情 畫藝 | 老工仔 思 維 | 網網 相連 | 歷史 庫存 |
| 發表：Joy | 2021-01-02 18:43:28 | 閱覽數：3516 | (IP: ) | T 7411_R 0 | 引 用 |
|---|
彼日，阿微愛去榮總照超音波，所致伊昨暗過子時就無食物件矣。下早仔宏仔也有較早起來，毋過，狗仔代、貓仔代凊彩款款咧嘛是拖到八點外，位恆春一路開車到榮總已經欲倚十一點矣，拄拄好趕會著報到，按呢阿微知影伊又閣排佇上後尾一位，上緊嘛愛等到12點左右才會輪到伊。 阿微想講佮遮爾濟人作伙佇遮等，不如落去樓跤踅踅咧，無定著會看著啥物好康嘛無一定。伊那想那行，一个專櫃行過一个，雄雄聽著：「小姐，來佮阮交關一下啦~」伊就停落來佇一攤咧賣健康食品的專櫃頭前，才欲開喙問價數的時，對方就提一盤試食品叫伊先試食看覓咧，阿微敢若有小可仔張持的款。 專櫃小姐就鼓舞講：「來啦~免細膩，遮攏是有機ê喔~」 「有機ê喔~好！試食看覓咧！」一聽著有機ê，阿微目睭就金起來。有一就有二，加上專櫃小姐的鼓舞，逐種口味攏試食，順紲問東問西，有講有笑，想講等宏仔來接伊的時陣才過來買寡仔轉去。講到遐，才發覺著欲12點矣，才想著伊小等ê愛照超音波呢。 阿微心內咧想：「這聲害了了矣！欲按怎共醫生講較好？無講嘛袂使得，嘛是愛拜託醫生重開單。」伊搭電梯到二樓的時陣，有聽著護士小姐咧叫伊的名。伊就缀護士小姐行到病床才開喙講：「我今仔日袂使照超音波矣，欲請蔡醫師重開單予我。」 「妳是按怎袂使照超音波？」 「我頭拄仔佇一樓咧踅的時陣，人咧鼓舞我試食有機的健康食品，我一興頭就袂記持今仔日愛照超音波的代誌，就一塊試食過一塊囉。」 話才講煞，護士小姐覕喙欲笑毋笑：「無要緊，妳先倒咧，我來去叫醫生。」 一觸久仔，醫生就入來，唸著阿微的名閣問講：「妳位恆春來的齁？妳食佗一个專櫃的試食品？好呷無？」 「蔡醫師，真失禮啦~我毋是刁故意的矣！」 「無要緊，來！倒互好，深呼吸、閉氣，好！放鬆。。。」 |
| 回應：Joy | 2021-01-02 19:07:39 | (IP: ) | T 7411_R 1 | 引 用 |
|---|
| 這是我舊年寫的台文，用漢字已經加足慣勢--ah. 雖然教育界已經統一了台文的用字，毋過，爭議猶誠濟。 我佇學校teh寫論文ê時，若是有用著台語ê語料，漢字、羅馬字iah-sī漢字kap羅馬字倂用攏會使--tit. 漢字的使用標準，是根據：教育部台灣閩南語常用詞辭典 羅馬字會使根據逐家ê使用習慣來選擇教羅(俗稱POJ)iah-sī台羅(以教育界規範的台羅為主)。 以上，提供逐家做參考。 |
| 回應：Joy | 2021-01-02 19:35:40 | (IP: ) | T 7411_R 2 | 引 用 |
|---|
| 特別揣茄子蛋的台語歌，因為內底ê歌詞，有英、台文漢字、羅馬字ê對照。其中，𪜶所用的羅馬字，是：台羅，採用POJ標調規則及oo/nn。 |
| 回應：討海人 | 2021-01-03 13:51:26 | (IP: ) | T 7411_R 3 | 引 用 |
|---|
| Dear Joy, 実在足心適、足古錐！ |
| 回應：Joy | 2021-01-04 00:00:41 | (IP: ) | T 7411_R 4 | 引 用 |
|---|
| Dear阿海， 我的無頭神，干單你看有爾爾。😆😆 新年快樂！ |
| 回應：天涯台客 | 2021-01-04 12:11:21 | (IP: ) | T 7411_R 5 | 引 用 |
|---|
| 阿 Joy 里賀、新年快樂！ 這就對了，這種短短的文體就是讓人喜愛不已，相當有味道。有點酸、有點甜、也有點溫度。 恁ㄟ尪婿真正有福氣，伊ㄟ家後擁有一顆寬厚、仁慈與內斂的心懷。 加油！ |
| 回應：Joy | 2021-01-04 21:38:27 | (IP: ) | T 7411_R 6 | 引 用 |
|---|
| 阿天涯台客， 你嘛好！😁 是你毋甘嫌閣gâu呵咾啦，我互你褒甲小可歹勢、歹勢neh!😶 祝你新年快樂！ （呔遮奇怪，手機仔袂當貼歌？🤔🤔🤔） |
| 回應：Joy | 2021-01-04 21:44:55 | (IP: ) | T 7411_R 7 | 引 用 |
|---|
| 《敢傻敢衝》這條歌，製作甲真好！ |
| 回應：阿春 | 2021-01-04 23:10:27 | (IP: ) | T 7411_R 8 | 引 用 |
|---|
| 阿JOY貪食後去照超音波，結果還是活跳跳沒有異樣，證明貪食的人是有福的。 |
| 回應：Ok | 2021-01-09 12:31:24 | (IP: ) | T 7411_R 9 | 引 用 |
|---|
| 大家新年快樂🎉萬事如意！ |
| 返回鄉土分區 | 返回 Joy 隨 筆 | 【▲往上】 |
|---|
| 回 應 意 見 主 題 |
意見主題：【心適的一工】
文章請自行備份，站方不負擔保存之責。
同意網站共享並運用這篇文章。
跟 貼 勿 偏 離 主 題！
貼文請用繁體字。
| 總 覽 | 版 務 | 政 經 | 健康醫療 | 軍 武 | 理 財 | 文 化 | 藝 文 | 科 技 | 台灣的美 | 旅 遊 | PISA | 娛 樂 | 鄉 土 | 公 民 | 認 同 | 副 刊 | 哈 啦 | 范氏網 |
| 竹縫 視界 | 耳聾 世界 | 泰伯 觀點 | Joy 隨筆 | 哈利 天地 | Jerry C 鳥 世 界 | 射水魚 天 空 | 討海人 鏡 頭 | 嘻笑 人間 | 詩情 畫藝 | 老工仔 思 維 | 網網 相連 | 歷史 庫存 |