馬可吐溫佮我_綠翠園副刊分區forum.xmart.tw/formosa/

	§網綠翠園站§ 　　副刊分區

馬可吐溫佮我

發表：Joy	2021-03-12 23:43:59	閱覽數：1727	(IP: 　)	T 7488_R 0	引　用

彼年欲uá歇熱ê時，我去舊金山上課，學校安排tuà佇Mary Inn的單身女性套房，一日食早頓佮暗頓兩頓，一个月才收美金720箍爾爾，我佇遐tuà（蹛）誠久，逐工接公司的傳真處理一寡工課，嘛逐暗敲電話予阮尪報平安。毋過，我無想著舊金山的熱天會遐爾仔kuânn（寒），而我的kha-báng只有khǹg（囥）熱天的衫仔褲爾爾。

佇舊金山的第二工，我就坐公車去Market Street的Ross Department Store揣看有裘(hiû)仔通買無？好佳哉！有揣著一領敢若無業遊民咧穿的素面的裘仔，有卡贏無，有就好！

雖然，我逐工咧食自助餐攏食足粗飽ê，也有去China Town買物仔轉來煮，我猶是定定感覺足kuânn–ê，尤其下暗時仔睏甲跤手冷枝枝、皮皮tsùn（顫），想著阮尪就目屎流目屎滴。

有一日，社區有人咧辦Garage Sale，有賣舊冊、舊衫、CD、手工藝品、紀念品等等，我就一攤行過一攤慢慢仔看，雄雄看著一領真suí（媠）ê純羊毛的膨紗衫，歡喜甲若khioh（抾）著寶仝款，干單開五元的美金閣一直kā（共）人會多謝。

自從有這領媠媠ê膨紗衫，我就逐工穿咧睏，閣穿去餐廳食早頓，拄著別人穿露背裝抑是短洋裝ê時，我就感覺歹勢歹勢，啥人叫我遮爾仔驚寒—ah！

規个熱天，我總是穿著彼領裘仔佮彭沙衫，只有拜六抑是禮拜彼兩天，我會較uànn（晏）出門，若毋是佮朋友去看電影就是去日本街仔食日本料理，也定定相招去四界se̍h（踅），毋才有機會穿uì（對）台灣帶來的媠衫啦，毋過極加嘛是tshit-thô（𨑨迌）到欲暗仔猶袂起寒的時就趕緊轉去宿舍囉。

到今，若想起舊金山彼當時的我，就想起馬克吐溫(Mark Twin)有講過這句話："The coldest winter I ever spent was a summer in San Francisco." 我就感覺有影有跡足心適- -ah（矣）。

回應：Joy	2021-03-12 23:44:59	(IP: 　)	T 7488_R 1	引　用

這差不多是三十外冬前的代誌矣！

彼當時，我實在有夠驚寒啦。

過了舊金山，敢若就足熱足熱--ê.

當我有發覺著馬可吐溫也有佮我仝款的遭遇時，就感覺真歡喜，真趣味。

伊所寫的湯姆歷險記我嘛有看過喔~~

回應：Joy	2021-03-12 23:45:39	(IP: 　)	T 7488_R 2	引　用

這篇文章是用漢字兼台羅(包括聲調、符號全用台羅)寫成的。

可使用漢字不致語意含糊的，就用漢字。特殊台語聲調盡量用台羅來呈現，頂多後面加註相關漢字。

邊寫邊笑，想起從前真是大膽不怕人笑的落魄滑稽樣。 ^__^

回應：Joy	2021-03-13 00:05:20	(IP: 　)	T 7488_R 3	引　用

全文華譯：

馬克吐溫與我

那年近暑假時，我去舊金山上課，學校安排住在Mary Inn的單身女性套房，一天供應早晚兩餐，一個月才收美金720元而已。我在那兒待很久，每天處理公司傳來的傳真，也每晚打電話給我先生。不過，我怎麼也想不到舊金山的夏天那麼地寒冷，而我的皮箱只有放夏天穿的衣衫而已。

在舊金山的第二天，我就搭公車去Market Street的Ross百貨公司想找看看有沒有外套可買？好佳哉!有找到一件類似無業遊民穿的素面外套，有總比沒有的好，有就好！

雖然，我每天吃自助餐吃得十分粗飽，也有去中國城買食物回來煮，我還是常常感到寒冷，尤其夜晚時睡到手腳冷枝枝，皮皮顫，想起老公唏哩嘩啦淚汪汪。

有一天，社區有人在辦車庫拍賣，有賣舊書、舊衫、CD、手工藝品、紀念品等等，我就一攤走過一攤慢慢地看，突然看到一件很漂亮的純羊毛毛線衫，歡喜到如同撿到寶一般，只花了五元美金還一直跟人道謝。

自從有了這件漂亮的毛線衣，我就每天穿著睡覺，也穿著去吃早餐，若是剛好遇到別人穿露背裝或短洋裝時，我就感到非常不好意思，誰叫我這麼地怕冷呢！

整個夏天，我總是穿著那件外套和毛線衣。只有禮拜六和禮拜天兩天，我會較晚出門，若不是跟朋友去看電影就是去日本街吃日本料理，也時常相約到處走走逛逛，也才因此有機會能穿上我從台灣帶來的漂亮衣裳，不過頂多也只是玩到天色快暗天氣未變冷之前就趕回宿舍了。

到如今，若想起當時舊金山的我，就想起馬克吐溫有講過這樣一句話："The coldest winter I ever spent was a summer in San Francisco." 我就感覺真的好貼切又饒富趣味呢。 ^__^